Шинжлэх Ухаан, Технологийн Их Сургууль нийгмийн хариуцлагаа хэрэгжүүлэх ажлын хүрээнд Үйлдвэрлэлийн Технологийн Сургууль 2016 оны 05-р сарын 14-ны Бямба гаригт захиргаа, аж ахуй болон 4 салбараас нийт 28 багш, 15 ажилтан, 269 оюутан хамруулан доорх газруудад их цэвэрлэгээг зохион байгуулж, зүлэгжүүлэлт, мод тарих ажлыг зохион байгууллаа.

• Захиргаа аж ахуйгаас 2 багш, 15 ажилтан оролцож Баянхошуунд байрлах ҮТС-ийн аж ахуйн складыг цэгцэлж, цэвэрлэсэн.
• Биотехнологи, шим тэжээлийн салбараас 9 багш, 68 оюутан, Хүнсний инженерчлэлийн салбараас 9 багш, 60 оюутан оролцож ШУТИС-ийн I, II байрны гаднах талбайн хог, хогийн цэгийг цэвэрлэсэн, модны усалгааг хийсэн, нэг төрлийн цэцэг, нэг төрлийн зүлэг тариалж зүлэгжүүлэлт хийсэн.
• Дизайны салбараас 5 багш, 116 оюутан, Текстил судлалын салбараас 3 багш, 25 оюутан оролцож “Japan” town, “Хүннү” хорооллын 1.1 км замын зүлэгжүүлэлтийг цэвэрлэсэн.
• “Текстилийн үйлдвэрийн технологи” мэргэжлийн 6 багш, 35 оюутан ШУТИС-ийн XI байр Текстил судлалын салбарын анги, танхимд их цэвэрлэгээ хийж, байрны гаднах талбайн хогийг цэвэрлэн, мод усалсан.