ШУТИС-ийн Үйлдвэрлэлийн Технологийн Сургуулийн харьяа Шим Тэжээл Судлалын Төв шинэ он гарч буйтай холбогдуулан сургуулийн нийт багш, ажилчдад зориулсан “Солонгос хоолны хачир хийх сургалт”-ийг 2022 оны 12 дугаар сарын 20-ны өдөр зохион байгууллаа.

Сургалтыг урилгаар Увс аймгийн Улаангом коллежид ажиллаж буй багш, БНСУ-ын иргэн И Ён Уг удирдан явуулсан ба ШУТИС-ийн нийт 19 багш, ажилчид оролцлоо.  

Сургалтад нийт таван төрлийн хачир, зууш хийх аргыг заасан ба бүх оролцогчид хамтран хийж, гарын авлага, холбогдох материалын хамт тараалаа. Дараах бүтээгдэхүүнийг суралцагчид багшийн заавраар хийж, гэр гэрлүүгээ авч явцгаасан юм. 

• Байцааны кимчи
• Цагаан манжингийн кимчи
• Даршилсан цагаан манжин
• Зайдастай догбуги шорлог
• Тахиан махан салат

Сургалтад заасан зүйлсээс даршилсан цагаан манжин, тахиан махан салатны соус зэрэгт оролцогчид хамгийн өндөр үнэлгээ авсан ба сургалтын дараа цаашид дахин энэ төрлийн сургалт зохион байгуулах санал хүсэлт их ирсэн юм. Тэмдэглэлт баярын өдрүүдийг тохиолдуулан жилд 1-2 удаа хоолны сургалт зохион байгуулахаар ирэх жилийн төлөвлөгөөнд тусгалаа.